18 май куни Тошкентда кучли шамол бўлиши кутилмоқда. Бу ҳақда Тошкент шаҳар ҳокимлиги матбуот хизмати хабар берди.
Кучли шамол дарахт ва уларнинг шохларини синиши, мустаҳкам ўрнатилмаган турли конструкцияларнинг жойидан қўзғалишига, шикастланишига сабаб бўлиб, унинг остида ва яқинида турган инсонлар ва автомобилларга зарар етказиши мумкин.
«Шу сабабли автомобилларингизни дарахтлар ва бошқа турли мустаҳкам бўлмаган конструкциялардан узоқроқ, хавфсиз жойга қўйишингизни, кучли шамол кузатилганида кўчада ҳаракатланмаслигингизни, уйда қолишингизни сўраймиз. Ўзингиз ва мулкингизни бахтсиз ҳодисалардан асранг», — дейилади хабарда.
Аввалроқ 17 май куни Хоразм вилоятига ёпирилган кучли шамол корхона, ташкилот ва турар жойларнинг том қисмлари учиб юборгани ҳақида хабар берилганди.
Изоҳ (0)