Чироқчи туманида 17 май куни соат 19:00 ларда аёл киши бошқарувидаги Matiz йўлдан чиқиб кетиши оқибатида ағдарилиб кетган. Оқибатда машинада йўловчи сифатида кетаётган 41 ёшли Қ.Л. (аёл) воқеа жойида вафот этган. Бу ҳақда Қашқадарё вилоят соғлиқни сақлаш бошқармаси ахборот хизмати хабар берди.
ЙҲХББ хабарига кўра, ҳодиса «Ҳумо» МФЙ, Жар қишлоғи ҳудудидан ўтувчи 4К-287 Қоракамар—Қалқама йўлининг 3-километрида содир бўлган.
Маълум бўлишича, 34 ёшли ҳайдовчи Қ.Н. ва уч нафар вояга етмаган бола туман шошилинч тиббий ёрдам бўлимига олиб борилган. Беморлар текширувдан ўтказилиб, уларга тиббий ёрдам кўрсатилган.
Айни пайтда ЙТҲдан жабрланганларнинг аҳволи ўрта оғир даражада эканлиги маълум қилинган.
Мазкур ҳолат юзасидан Чироқчи тумани ИИО ФМБ хузуридаги ТБ томонидан суриштирув ишлари олиб борилмоқда.
Эслатиб ўтамиз, 12 май куни Бухоро вилоятининг Ромитан туманида трактор тиркамаси ағдарилиб кетиши оқибатида 3 аёл вафот этганди.
Изоҳ (0)