Видео: Hummer ва «Гелендваген» ўзаро арқон тортишди

YouTube’даги Carwоw канали янги Mercedes-AMG G63 ва ўн икки йиллик Hummer H1 пикапи ўртасида ноодатий дуэль уюштирди. Йўлтанламаслар ўтлоқда арқон тортишди.

Қуввати ва айланишлар моменти борасида Mercedes-AMG G 63’га тенг келадиган йўқ: унга 585 от кучига эга (850 Нм) 4,0 литрли бензинли V8 твин-турбо двигатели ўрнатилган бўлиб, тўлиқ узатмага эга. Немис йўлтанламаси замонавий ўлчовлар бўйича анча оғир — 2,5 тонна.

Бироқ «Гелендваген» Hummer H1 билан таққосланганда худди кроссоверга ўхшайди: Америка пикапи ундан 1,1 тонна оғир бўлиб, унга 197 от кучига эга (583 Нм) 6,5 литрли V8 турбодизель ўрнатилган. Бундан ташқари, Hummer’нинг «тишли» шиналари ҳам мавжуд.

Блогерлар Hummer H1’нинг кучига тенглашиш учун Mercedes’га бошқа бир йўлтанламасни ёрдамга олиб келди — 150 от кучига эга 1,1 тоннали Suzuki Jimny. Hummer’га қарши бу ҳам ёрдам бермагач, Suzuki ўрнини 150 от кучига эга 1,9 тоннали Mitsubishi L200 эгаллади.