Навоий вилоятининг Хатирчи туманида 17 май, якшанба куни одам ўлими билан якунланган ЙТҲ содир бўлди. Бу ҳақда ЙҲХББ хабар бермоқда.
Ҳодиса соат 04:00 ларда 4Р-48 Зарафшон—Хатирчи автомобиль йўлининг 151-километрида юз берган. 1985 йилда туғилган Ф.Б. Nexia автомобилини бошқараётиб, йўлнинг қатнов қисмида маст ҳолда ухлаб ётган 1964 йилда туғилган У.О.ни устидан босиб ўтиб, ЙТҲ содир этган.
Оқибатда 56 ёшли эркак воқеа жойида вафот этган.
Мазкур ЙТҲ юзасидан Хатирчи туман ИИБ ҳузуридаги ТБ томонидан суриштирув ишлари олиб борилмоқда.
Ўтган ҳафта давомида одам ўлими билан якунланган бир нечта ЙТҲ юз берди. 11 май куни Сурхондарёнинг Шўрчи туманида Lacetti мотороллерга урилиши оқибатида 38 ёшли мотороллер ҳайд3овчиси, Тошкент вилоятининг Чиноз туманида Isuzu автобуси велосипедчини уриб юбориши оқибатида 33 ёшли велосипедчи, 12 май куни Бухоронинг Ромитан туманида трактор тиркамаси ағдарилиб кетиши оқибатида 33, 34 ва 38 ёшли аёллар, Хоразмнинг Янгибозор туманида Matiz уриб юбориши оқибатида 4 ёшли бола, 13 май куни Андижоннинг Булоқбоши туманида «Камаз» уриб юбориши оқибатида 30 ёшли велосипедчи, Қашқадарёда Nexia дарахтга урилиши оқибатида 57 ёшли йўловчи, Хоразмнинг Урганч шаҳрида Cobalt ва Spark тўқнашуви оқибатида 23 ёшли ҳайдовчи, 14 май куни Қашқадарёнинг Қарши туманида фургон уриб юбориши оқибатида 25 ёшли пиёда, 16 май куни Сурхондарёнинг Қумқўрғон туманида «Камаз» уриб юбориши оқибатида 65 ёшли аёл, Андижоннинг Балиқчи туманида Lacetti ва «Жигули» тўқнашуви оқибатида 26 ёшли ҳайдовчи, 17 май куни Фарғонанинг Қўштепа туманида трактор тиркамаси босиб кетиши оқибатида 3 ёшли бола вафот этди.
Изоҳ (0)