Chevrolet компанияси Tahoe’нинг иккита махсус версиясини тайёрлади: йўлтанламас жиноятчиларни таъқиб этишга мўлжалланган полиция машинасига ва 3,7 тонна юкни ташишга қодир шатакчига айлантирилди. Иккала модификация ҳам АҚШда 2020 йил охирига қадар пайдо бўлади, деб хабар қилади Motor.
Tahoe Police Pursuit Vehicle (PPV) га янги амортизаторлар ва 406 миллиметрли дискага Brembo тормозлари ўрнатилган. Стандарт моделдан бу каби йўлтанламас таг қисмининг йўл юзаси билан орасидаги масофа қисқартирилгани билан фарқ қилади, бунинг ҳисобига у катта тезликда ҳам турли манёврларни бажара олади. Бундан ташқари, полиция Tahoe’сига ўзига хос Firestone Firehawk Puruit шиналари ўнатилган бўлиб, бу тормоз йўлини қисқартириш имконини беради.
Шатакчи Tahoe’га эса, ўз навбатида тиркама учун занжирли қурилма ўрнатилган ва полиция махсус қурилмаларни жойлаштириш учун тайёрланган.
Иккала версияга ҳам 360 от кучига эга 5,3 литли V8 мотори ўрнатилган бўлиб, у тўққиз поғонали автоматик узатмалар қутиси ёрдамида бошқарилади. Tahoe PPV орқа ёки тўлиқ узатмали, шатакчи эса фақат тўлиқ узатмали ҳолда ишлаб чиқарилади.
Эслатиб ўтамиз, 2019 йил охирида UzAuto Motors тўртта янги — Equinox, Traverse, Trailblazer ва Tahoe моделларининг тақдимотини ўтказган эди. Январь ойида эса компания биринчи босқичда тайёр автомобилларни АҚШ, Хитой ва Таиланддан олиб келишини маълум қилганди.
Изоҳ (0)