Канаданинг Манитоба провинциясида жойлашган Брендон шаҳарчасидаги ёқилғи қуйиш шохобчасида ҳайдовчи ва бензоколонга ўртасида содир бўлган «жанг»нинг видеоси пайдо бўлди, деб хабар қилади Motor.
Кузатув камерасидан тасвирга олинган кадрлардан кўриш мумкинки, ҳайдовчи колонкани қўллари, оёқлари ва ёқилғи қуйиш пистолети билан уриб, воқеа жойидан яширинган. Эндиликда жаҳлдор канадаликни полиция қидирмоқда.
Видеони маҳаллий полиция ўзининг Twitter’даги саҳифасида эълон қилган ва фуқаролардан ҳайдовчи ҳақида бирор маълумотга эга бўлса, ёрдам қилиш сўралган. Машина шу қадар чанг бўлганидан, видео орқали унинг рақамини ўқиб олишни имкони бўлмаган. Бу эса ўз навбатида, қидирув жараёнларини мураккаблаштирган.
https://twitter.com/i/status/1258808619572830208
Бир қарашда ҳайдовчи бензин секин қуйилаётганидан норозидек ва у бу орқали жараённи тезлаштиришга урингандек кўриниши мумкин. Бироқ гувоҳларнинг сўзларига кўра, вазият бошқача: эркак бензин учун пулни олдиндан тўлашга мажбур бўлганидан жаҳли чиқиб, аламини бензоколонкадан олган. Шохобча эгаси етказилган зарарни қайд этиб, компенсацияга умид қилмоқда.
Изоҳ (0)