Тошкент вилоятининг Бекобод шаҳрида деҳқон бозори бош назоратчисидан 1000 доллар пул талаб қилган сохта блогер қўлга олинди. Бу ҳақда Бош прокуратура ахборот хизмати раҳбари Ҳаёт Шамсутдинов хабар қилган.
Хабарга кўра, Бош прокуратура ҳузуридаги департаментнинг Бекобод шаҳар бўлими, ДХХ ва ИИБ ходимлари томонидан ўтказилган тезкор тадбирда Бекобод деҳқон бозори бош назоратчиси К.Т.га ўзини блогер деб таништирган фуқаро Ш.А. ундан 1000 АҚШ доллари талаб қилиб, акс ҳолда пандемия шароитида оммавий ахборот воситалари ходимларига бозорда антисанитария ҳолатлари мавжудлиги ҳақида танқидий видеотасвирлар олдириб, интернетда тарқатиш билан қўрқитиб, талаб қилган 1 000 АҚШ долларидан 700 АҚШ долларини товламачилик йўли билан олган вақтида ушланган.
Мавзуга доир: Қашқадарёлик фуқарони интернетда обрўсизлантириш билан қўрқитган сохта блогер 500 АҚШ доллари билан қўлга олинди
Мазкур ҳолатлар юзасидан фуқарога нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда, дейилган хабарда.
Мавзуга доир:
- Олмалиқда 2 нафар фуқарони ишга олиб киришни ваъда қилиб, улардан 3 минг АҚШ доллари талаб қилган фирибгар қўлга тушди
- Тошкентда 30 минг доллар эвазига банкдан 1,3 млн евро кредит олиб беришни ваъда қилган шахс ушланди
- Наманганда ер олиб беришни ваъда қилиб, тадбиркордан 5 минг доллар ундирмоқчи бўлган шахс қўлга олинди
Изоҳ (0)