Деҳқонобод ҳокими Зоир Алиқулов мутахассислар иштирокида туманда янги қурилаётган сув омбори қурилишини кўздан кечирди. Бу ҳақда «Дарё»га туман ҳокимлиги ахборот хизмати хабар берди.
Маълум бўлишича, Вазирлар Маҳкамасининг 2016 йил 30 декабрдаги қарорига асосан, ушбу сув омборининг фойдаланиш ҳажмини ошириш ишлари 2017 йилги манзилли дастурга киритилган. Шу асосда тендер савдолари ўтказилиб, унда ғолиб деб топилган «Яккабоғ қўрғони» корхонаси қурилиш ишларини бажармоқда.
240 гектардан ортиқ майдонни эгаллаган сув омбори ҳудудида узунлиги 850 метр, баландлиги 36,2 метр ҳажмдаги сув тўғони қуриш, таъмирлаш, кўприк барпо этиш ва бошқа ишлар амалга оширилмоқда.
Маълумот берилишича, тумандаги мазкур сув омбори 1976—1982 йилларда қуриб битказилган бўлиб, 2017—2019 йилларда 22 миллиард сўмлик қурилиш-тиклаш ишлари бажарилган. 2020—2022 йилларда эса 32 миллард сўмлик ишлар бажарилади.
Туман ҳокими сув омбори қурилишини кўздан кечириш чоғида сув омбори ёнида икки гектар майдонда балиқчилик ҳавзаси қурилишини маълум қилган.
Таъкидланишича, сув омбори қошида икки гектар майдонда иссиқхона ҳам ташкил этилган.
Изоҳ (0)