Фавқулодда вазиятлар вазирлиги Республика сейсмопрогностик мониторинг маркази хабарига кўра, 14 май куни Тошкент вақти билан соат 21:16 (Гринвич бўйича соат 16:16)да Ўзбекистон ҳудудида зилзила содир бўлди.
Зилзила координаталари: 41,26 градус шимолий кенглик; 71,57 градус шарқий узунлик. Зилзиланинг магнитудаси 4,3 баллни ташкил қилган. Чуқурлик 14 километр, эпицентрдан Тошкентгача бўлган масофа шарқий йўналиш бўйича 197 километрни ташкил қилади.
Ўзбекистон ҳудудида зилзиланинг кучи Наманган вилоятида 4 балл (30 километр), Анижонда 3 балл (84 километр) ва Фарғонада 2 баллни (99 километр) ташкил қилган.
Аввал 14 май соат 02:09 да Фарғона водийсининг мазкур уч вилояти ҳудудида ер силкиниши сезилгани, зилзила кучи Наманган, Андижон ва Фарғонада 2 баллни ташкил қилгани хабар қилинганди. 6 майда ҳам соат 15:51 да Хитой—Қирғизистон чегарасида зилзила содир бўлган ва зилзила кучи Наманганда 2 баллни, Андижонда 3 баллни ва Фарғонада 2 баллни ташкил қилганди.
Изоҳ (0)