Қирғизистонда коронавирус билан касалланганлар сони 1037 кишига етди. Бу ҳақда республика COVID-19’га қарши курашиш штабига таяниб, «РИА Новости» хабар берди.
«12 май ҳолатига кўра, республикада яна 21 кишида COVID-19 аниқланди», — дейди штаб вакили.
Унинг сўзларига кўра, касалликка чалинган янги беморларнинг олти нафари тиббиёт ходимлари. Ўтган бир сутка ичида 21 кишига стационарлардан жавоб берилган.
Шундай қилиб, Қирғизистон бўйлаб коронавирусга чалинганларнинг жами сони 1037 кишига етди, уларнинг 241 нафари — тиббиёт ходимлари. Ҳозирга қадар 12 киши COVID-19 қурбонига айланган, жами 709 киши соғайишга муваффақ бўлган. Республикада пандемия бошланганидан буён коронавирусга қарши 70 мингдан ортиқ тест олинган.
Эслатиб ўтамиз, 4 май куни Ўзбекистон Президенти Шавкат Мирзиёев Қирғизистон президенти Сўронбой Жээнбеков билан телефон орқали мулоқот қилиб, коронавирусга қарши курашдаги ҳамкорлик масалаларини муҳокама қилганди.
Ўзбекистонда эса 12 май соат 10:00 ҳолатига кўра, коронавирусга чалинганлар сони 2509 нафарга етди. Мамлакатда коронавирус инфекцияси илк бор қайд этилган 15 мартдан буён 1988 киши касалликдан соғайди, 10 киши эса инфекция асоратлари оқибатида вафот этган.
Изоҳ (0)