АҚШ президенти Дональд Трамп Хитойнинг коронавирус ҳақидаги маълумотларни ўғирлаш режаси ҳақидаги хабарларга изоҳ берди. Бу ҳақда Daily Mail хабар қилган.
АҚШ давлат раҳбари Вашингтон ХХРда хакерлар инфекцияга қарши вакцина яратиш бўйича маълумотларни ўғирлашга тайёр турганлигини диққат билан кузатаётгани ҳақида гапирди.
«Бу янгилик эмас. Улар энди бизга киберҳужум қилиб, маълумот олишга уринадими, дея савол берилса, мен такроран бу биз учун янгилик эмаслигини, ушбу вазият диққат билан кузатилаётганини айтаман», —деган Трамп.
Аввал Федерал қидирув бюроси ва АҚШ миллий хавфсизлиги департаменти хитойлик хакерларнинг америкалик олимлар COVID-19’га қарши вакцина яратиш бўйича тўплаган маълумотларни ўғирлашга уринаётгани борасида ахборотлар борлиги маълум қилинганди.Хитой коронавирус пандемияси бошланганидан бери бир неча марта АҚШ ҳукумати томонидан кескин танқид қилинди. Март ойида Трамп Пекинни COVID-19 тарқалиши ҳақида бутун дунёни вақтида хабардор қилмаганликда айблаган. АҚШ президентининг сўзларига кўра айрим мамлакатларнинг ҳукуматлари бу ҳақда аввалроқ бохабар бўлганидан вазият бу қадар оғир бўлмаслиги мумкин эди.
Изоҳ (0)