«Ювентус» ярим ҳимоячиси Миралем Пьянич ёзги трансферлар вақтида клубини алмаштириши кутилмоқда, деб ёзмоқда La Gazetta dello Sport.
30 ёшли футболчи «Барселона» раҳбариятига клубга ўтишга розилигини билдиргани таъкидланмоқда. Футболчи эндиликда «Ювентус»нинг «Барселона» билан келишиб олишини кутмоқда.
Хабарга кўра, томонлар катта эҳтимол билан футболчи алмаштиради. «Ювентус» Пьянич учун Артур Мелони олишни хоҳламоқда. Аммо бразилиялик футболчи Каталония клубини тарк этмаслигини маълум қилган. Шунингдек, алмаштирилиши мумкин бўлган футболчилар орасида Иван Ракитич, Артуро Видаль ҳамда Нелсон Семеду номлари ҳам бор.
Маълумот учун, Пьянич 2016 йилдан бери Турин клуби шарафини ҳимоя қилади. Унгача эса у «Рома», «Лион» каби клубларда ҳаракат қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)