«Манчестер Юнайтед» собиқ ярим ҳимоячиси Даррен Флетчер собиқ жамоадоши Криштиану Роналду ҳақидаги хотиралари билан ўртоқлашди.
«Менимча, у мана шундай «Манчестер Юнайтед»га келганидан миннатдор. Бу Роналдуга ғолиблик руҳини сингдирди.
Аслида уни, ёш йигитчани, мавсумолди ўйинида бизга қарши жуда яхши ҳаракат қилгани учун Манчестерга олиб келишган. Бир ҳафтадан кейин у клуб аъзосига айланганди.
Криштиану ингилз тилини тезда ўрганиб олди. 18 ёшида у ҳар куни қўшимча машғулот олиб борар ва шахсий бош ошпазга эга илк футболчига айланганди. Роналду машғулот пайтида сонига қўшимча юк осиб оларди, шу сабаб ўйин пайтида чаққон ҳаракат қила оларди. Бу қандай йигит ўзи?! У бор вужуди билан дунёнинг энг яхши ўйинчиси бўлишга интиларди.
Ҳа, у бошида кўпчиликни ажаблантирган, ёш ва озғин йигит эди, бироқ ғайрат, ҳаракат ва мақсадга бўлган интилиш уни жаҳоннинг энг яхши футболчиси бўлиб етишишига замин яратди», — дейди Флетчер.
Эслатиб ўтамиз, Роналду 2003—2009 йиллар мобайнида «Манчестер Юнайтед» сафида тўп сурган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)