«Фиорентина» клубининг олти нафар аъзосида коронавирус аниқланди. Бу ҳақда флоренцияликлар клуби матбуот хизмати маълум қилди.
Уч нафар футболчи ва яна уч ходимнинг коронавирусга топширган қон таҳлили ижобий натижа берган. Уларнинг исми ошкор қилинмаган.
Инфекция юқтириб олганлар изоляцияга олинган. Шунга қарамай жамоанинг қолган футболчилари барча эҳтиёт чораларини қўллаган ҳолда 8 майдан машғулотларга киришади.
Апрель ойида «бинафшаранглилар»нинг Херман Пеццелья, Душан Влахович ва Патрик Кутроне каби футболчилари коронавирусдан халос бўлганди.
Маълумот учун, Италияда коронавирусга чалинганлар сони 216 мингдан ошиб кетди. Соғайганлар сони 96 минг кишидан ошган, вафот этганлар сони эса қарийб 30 минг кишига етди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)