«Реал» ҳужумчиси Лука Йович жароҳат олди. Бу ҳақда мадридликлар клуби расмий сайтида маълум қилинди.
22 ёшли сербиялик футболчининг ўнг товони суягида ёрилиш юзага келган. Ҳужумчи қандай вазиятда жароҳат олгани маълум эмас. Тикланиш муддати чуқурлаштирилган тиббий кўрикдан сўнг маълум бўлади.
Йович 4 май куни Мадридга етиб келган ва жамоа машғулотларига қўшилганди.
2019 йилнинг ёзида «Айнтрахт»дан 60 миллион евро эвазига сотиб олинган Йович жорий мавсум Ла Лигада 15 ўйин ўтказиб, икки гол ва битта самарали узатма муаллифига айланди.
Мавзуга доир: Лука Йович карантин қоидаларини бузганликда гумон қилинмоқда. У 12 йилгача қамалиши мумкин
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)