Россияда COVID-19 коронавирус инфекцияси билан касалланганлар сони 177 минг кишидан ошиб кетди. Бу ҳақда Жонс Ҳопкинс университети маълумотларида келтирилган.
Шундай қилиб, Россия бутун дунё бўйлаб коронавирусга чалинганлар сони бўйича бешинчи ўринга чиқиб олди. Рўйхатнинг бошида АҚШ (1,2 миллион), Испания (220 минг), Италия (214 минг) ва Буюк Британия (202 минг) ўрин эгаллаган.
Мамлакатда 1625 киши коронавирус қурбонига айланган, 23,8 мингдан ортиқ бемор даволанишга муваффақ бўлган.
6 май ҳолатига кўра, Россиядан кейинги поғоналарда Франция, Германия, Туркия, Бразилия ва Эрон жойлашган. 7 май куни эса сервисларда Германия ва Францияда COVID-19 билан касалланганлар тўғрисидаги маълумот янгиланмаган. Бироқ Роберт Кох институтининг сайтидаги маълумотларга кўра, ўтган бир сутка ичида Германияда 1284 кишида коронавирус аниқланган.
Аввалроқ 12 майдан бошлаб Россия пойтахти Москва шаҳридаги барча саноат корхоналари ва қурилишлар қайта иш бошлаши ҳақида хабар берилганди.
Мавзуга доир:
- Россияда коронавирус касаллиги аёлларга нисбатан эркакларда оғирроқ ўтаётгани маълум қилинди
- Россия маданият вазирида коронавирус аниқланди
- Россия қурилиш вазири ва унинг ўринбосарида коронавирус аниқланди
- Россия бош вазири Михаил Мишустин коронавирусга чалинди. У соғайганидан кейин ҳам лавозимига қайтмаслиги мумкин
Изоҳ (0)