АҚШ президенти Дональд Трамп мамлакат қуролли кучларидан Эронга қарши фойдаланиш ваколатини чекловчи Конгресснинг резолюциясига вето қўйди. Бу ҳақда Оқ уй матбуот хизматига таяниб, Axios хабар берди.
Трамп резолюцияни «ўта ҳақоратли» деб атаб, буни демократларнинг республикачилар партиясини парчалашга ва 3 ноябрь куни бўлиб ўтадиган президентлик сайловларида ғалаба қозонишга қаратилган стратегиясининг бир қисми эканлиги билан изоҳлаган.
Америка етакчисининг сўзларига кўра, резолюция «қонунчилик ва фактларни нотўғри тушуниш»га асосланган ва АҚШ Эронга қарши куч ишлатмайди. Таъкидланишича, 2020 йилнинг бошида Эрон генерали Қосим Сулаймонийнинг йўқ қилиниши борасидаги операция мутлақо қонуний бўлиб, у 2002 йилда Ироқда ҳарбий кучлардан фойдаланиш тўғрисидаги резолюция билан тасдиқланган.
Мазкур резолюцияни январь ойининг бошларида сенатор-демократ Тим Кейн ишлаб чиққан. Бунга Трампнинг буйруғи билан Эрон генерали Қосим Сулаймонийнинг ўлдирилишига сабаб бўлган.
Эслатиб ўтамиз, Теҳрон ва Вашингтон ўртасидаги муносабатлар 2019 йилда Эрон ядровий келишувдан чиққанидан кейин кескинлашганди. Генерал Қосим Сулаймонийнинг ўлдирилганидан кейин давлатлар ўртасидаги зиддият янада кучайди.
Шундан сўнг, Эрон ядровий келишувга қўйилган сўнгги чекловлардан воз кечишини эълон қилди. Кейин Теҳрон Ироқ шимолидаги ва Бағдоддаги Америка ҳарбий базасига зарба берди. 8 январь куни Эроннинг ҳаво мудофааси тизими АҚШнинг қанотли ракетаси деб ўйлаб Украина халқаро авиакомпаниясининг Boeing 737 самолётини уриб туширди. 10 январь куни Вашингтон Эронга қарши янги санкциялар тизимини жорий этди.
Изоҳ (0)