АҚШ президенти Дональд Трамп Жонс Ҳопкинс ва Вашингтон университетлари томонидан АҚШда коронавирус пандемияси оқибатида вафот этадиганлар сонига оид прогнозлар қилишда фойдаланиладиган моделни хато деб атади. Бу ҳақда ABC телеканали хабар берди.
Вашингтон штати университети ҳузуридаги Соғлиқни ўлчаш ва баҳолаш институти 4 май куни АҚШда COVID-19 қурбонлари сони 4 августга бориб 134 475 кишига етиши прогноз қилинган моделни тақдим этди. Телеканал маълумотларига кўра, Жонс Ҳопкинс университети эса июнь ойига бориб коронавирус оқибатида ҳар куни вафот этаётган беморлар сони икки баробарга ошишини башорат қилган.
«Ушбу моделлар биринчи кунданоқ жуда қаттиқ адашган. Шунга қарамай, улар янги моделларни тузишни давом этмоқда ва бу ҳам хато», — дейди АҚШ президенти.
«Сиз эслаб ўтган моделлар енгилликларни ҳисобга олмаяпти (салбий оқибатларни — таҳр.)», — дейди Трамп. Шу билан бирга у, бу каби чоралар мамлакат ҳукумати томонидан қабул қилинаётганини қайд этиб ўтган.
Эслатиб ўтамиз, Дональд Трамп 3 май куни АҚШда коронавирусдан вафот этувчилар сони ҳақидаги прогнозида кўрсатган рақамни каттароғига алмаштирган. У аввал 60-65 минг атрофида одам касалликдан ўлади деган бўлса, Fox News’га берган интервьюсида вафот этганларнинг сони 75-100 мингга яқин бўлишини тахмин қилган.
Изоҳ (0)