Дортмунднинг «Боруссия» клуби ҳужумчиси Эрлинг Ҳоланднинг агенти Мино Райола мижози ҳақидаги фикрлари билан ўртоқлашди.
«Ҳоланд «Реал»да мавсумига 40 ёки 50 та гол уриши мумкин. У Криштиану Роналдудан кўпроқ тўп киритишга қодир. Ҳозирда Ҳоланд жуда яхши ўйнамоқда ва бир неча йилдан кейин янада кучлироқ футболчига айланади», — дейди Райола.
19 ёшли футболчининг «Боруссия» билан шартномаси 2024 йилнинг ёзига қадар мўлжалланган. Аввалроқ норвегиялик футболчи «Реал»нинг яқин келажакдаги мақсадларидан бири экани хабар қилинганди.
Январь ойида «Зальцбург»дан дортмундликлар сафига қўшилган футболчи жорий мавсум «Боруссия»да 11 ўйин ўтказиб, 12 та гол уришга эришди.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)