Айрим давлатларда коронавирус касаллиги оқибатида кузатилаётган ўлим ҳолатларининг кўплигига витамин, жумладан, D витамини етишмовчилиги сабаб бўлиши мумкин. Бу ҳақда қиролича Елизаветта жамғармаси касалхонаси ва Шарқий Англия университети олимларининг тадқиқотлари асосида Research Square журналида мақола чоп этилган.
Олимлар COVID-19’дан кузатилаётган ўлим ҳолатлари статистикасини Европа аҳолисида ўртача витамин даражаси билан солиштирган ва ушбу кўрсаткичлар бир-бирига яқинлиги аниқланган.
Улар бошқа илмий ишларга асосланиб Италия фуқароларининг организмида ўртача 28 наномоль/литр, испанларда эса ўртача 26 наномоль/литр D витамин бўлишини аниқлаган. Бунда киши организмида 30 наномоль/литр кузатилса ҳам витамин етишмовчилиги қайд қилинади. Олимлар Скандинавия давлатларида яшовчи аҳолининг организмини ўртача 45 наномоль/литр D витамини борлигини таъкидлаган.
Шунингдек, тадқиқотчилар кекса ёшли кишиларинг вафот этиш ҳолатлари кўплигига эътибор қаратган. Тадқиқот бўйича Швейцарияда қариялар уйида яшовчи кекса одамларда D витамин даражаси 23 наномоль/литрга етмаслиги, Италияда эса модда етишмовчилиги 70 ёшдан аёлларда 76 фоизни ташкил қилмоқда.
Олимлар хулосасига кўра, SARS-CoV-2 коронавирус инфекциясига қарши курашда беморларга D витаминини юбориш яхши самара бериши мумкин.
Мавзуга доир:
Жаҳон соғлиқни сақлаш ташкилотининг қайд этишича, айрим тадқиқотлар D витаминини қабул қилиш одамнинг нафас йўлларида кузатиладиган инфекцияларни даволашда самара беради. ЖССТнинг қўшимча қилишча ушбу витамин етишмовчилиги бутун дунёда мавжуд. D витамини иммуномодулятор ҳисобланади ва туғма иммунитетни кучайтириб, сўлак безларидаги ҳимоя қатламларини мустаҳкамлайди. Шу сабабли моддалар етишмовчилиги иммун тизимига таъсир қилиши мумкин.
Изоҳ (0)