Ayrim davlatlarda koronavirus kasalligi oqibatida kuzatilayotgan o‘lim holatlarining ko‘pligiga vitamin, jumladan, D vitamini yetishmovchiligi sabab bo‘lishi mumkin. Bu haqda qirolicha Yelizavetta jamg‘armasi kasalxonasi va Sharqiy Angliya universiteti olimlarining tadqiqotlari asosida Research Square jurnalida maqola chop etilgan.
Olimlar COVID-19’dan kuzatilayotgan o‘lim holatlari statistikasini Yevropa aholisida o‘rtacha vitamin darajasi bilan solishtirgan va ushbu ko‘rsatkichlar bir-biriga yaqinligi aniqlangan.
Ular boshqa ilmiy ishlarga asoslanib Italiya fuqarolarining organizmida o‘rtacha 28 nanomol/litr, ispanlarda esa o‘rtacha 26 nanomol/litr D vitamin bo‘lishini aniqlagan. Bunda kishi organizmida 30 nanomol/litr kuzatilsa ham vitamin yetishmovchiligi qayd qilinadi. Olimlar Skandinaviya davlatlarida yashovchi aholining organizmini o‘rtacha 45 nanomol/litr D vitamini borligini ta’kidlagan.
Shuningdek, tadqiqotchilar keksa yoshli kishilaring vafot etish holatlari ko‘pligiga e’tibor qaratgan. Tadqiqot bo‘yicha Shveysariyada qariyalar uyida yashovchi keksa odamlarda D vitamin darajasi 23 nanomol/litrga yetmasligi, Italiyada esa modda yetishmovchiligi 70 yoshdan ayollarda 76 foizni tashkil qilmoqda.
Olimlar xulosasiga ko‘ra, SARS-CoV-2 koronavirus infeksiyasiga qarshi kurashda bemorlarga D vitaminini yuborish yaxshi samara berishi mumkin.
Mavzuga doir:
Jahon sog‘liqni saqlash tashkilotining qayd etishicha, ayrim tadqiqotlar D vitaminini qabul qilish odamning nafas yo‘llarida kuzatiladigan infeksiyalarni davolashda samara beradi. JSSTning qo‘shimcha qilishcha ushbu vitamin yetishmovchiligi butun dunyoda mavjud. D vitamini immunomodulyator hisoblanadi va tug‘ma immunitetni kuchaytirib, so‘lak bezlaridagi himoya qatlamlarini mustahkamlaydi. Shu sababli moddalar yetishmovchiligi immun tizimiga ta’sir qilishi mumkin.
Izoh (0)