ПСЖ ҳужумчиси Неймар «Барселона»га қайтиш учун катта миқдордаги пулдан воз кечди.
Mundo Deportivo нашрининг хабар қилишича, парижликлар раҳбарияти футболчи билан шартномани узайтиришга уриниб кўрган ва унга содиқлиги учун 100 миллион евро миқдорида бонус пули таклиф қилган. Бироқ Неймар мазкур таклифни рад этган.
Бундан ташқари, 28 ёшли футболчи яна «кўк-анорранглилар» сафида ҳаракат қилиш учун маошининг икки баробар қисқаришига ҳам тайёр.
ПСЖ Неймарни 2017 йилнинг ёзида 222 миллион евро эвазига «Барселона»дан сотиб олганди. Коронавирус туфайли муддатидан аввал якунланган Франция чемпионатининг жорий мавсумида футболчи 15 ўйин ўтказиб, 13 та гол уришга эришди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)