«Арсенал» ярим ҳимоячиси Месут Ўзил Туркиядаги қизил ярим ой жамиятига 101 минг доллар хайрия қилди, дея хабар қилмоқда Daily Sabah.
Ушбу маблағ коронавирус пандемияси сабаб жорий қилинган карантин вақтида рўза амалини бажарётган муҳтож мусулмонларни қўллаб-қувватлашга сарфланади.
Таъкидланишича, келиб чиқиши Туркиядан бўлган Ўзил рамазон ойида Туркия ва Суриядаги жами 16 минг муҳтож кишини озиқ-овқат ва тиббиёт воситалари билан таъминлайди.
Месут «Арсенал»нинг энг кўп маош оладиган футболчиларидан бири ҳисобланади. Аввалроқ Ўзил пандемия сабаб юзага келган инқироз пайтида маошининг қисқаришига рози бўлмагани хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)