Арсен Венгер: Месси мундиалда ғолиб чиқмас экан, Марадонанинг соясида қолиб кетаверади

«Арсенал» собиқ бош мураббийи Арсен Венгер Аргентина футболи афсоналари Диего Марадона ва Лионель Месси ҳақидаги фикрлари билан ўртоқлашди.

«Марадонада қандайдир сеҳрли жиҳат бор. У ўз оламига эга даҳо. Унинг ҳаётда содир этган барча аҳмоқгарчиликларини унутган ҳолда барчамиз Марадона бўлишни истардик.

Диего 50 ёшга кириб қолган вақтда унга мураббийлик қилиш бахтига муяссар бўлганман. У ўзини яхши ҳис қилмас, юришга ҳам қийналарди, бироқ тўп билан сеҳрли ҳаракатларни амалга оширарди. Марадона билан бирга Баджо ва Дел Пьеро ҳам ўйнаган, бироқ айнан Диего тўпга кўпроқ зарба берарди.

«Худонинг қўллари» ҳақида гапирган, одамлар эса унинг сўзларини кечирган ягона шахс балки, Марадонадир. Бошқа бировни бундай гаплар учун кечиришмасди. Масалан, Ирландияга қарши ўйинда Анрининг қўл билан урган голини эсланг.

Ҳозирда Аргентина дунёнинг энг яхши футболчисига эга бўла туриб, Жаҳон Чемпионатини юта олмагани, ғалати ҳолат. Ҳатто Лионель Мессининг ўзи ҳам терма жамоада бирор натижа қайд этмаса, Марадонанинг соясида қолишини билса керак.

Қизиғи шундаки, Мессининг ўзини тутиши сергап Марадонанинг буткул акси. Лео хотиржам, у кам гапиради. Бу иккиси даҳо. Месси, шубҳасиз, клуб миқёсида кўпроқ соврин ютган, бироқ Марадона мутлақ тан олиши учун у Аргентина билан Жаҳон Чемпиони бўлиши керак ва Лео бунга жуда яқин келганди. Бироқ тақдир билан курашиш ва бунда давом этиш — чемпионнинг йўли эмасми?», — дейди Венгер.