«Тоттенҳэм» устози Жозе Моуриньо мураббийлик фаолияти давомида уни йиғлашга мажбур қилган мағлубиятни ёдга олди.
Португалиялик мутахассис «Реал» билан Чемпионлар Лигаси 2011/12 йилги мавсуми ярим финалида «Бавария»га пенальтилар сериясида ютқазиб қўйган вақтда оғир ҳисларни туйганини тан олди.
«Бу футбол. Роналду, Кака, Рамос — ҳеч қачон шубҳа уйғотмаган уч нафар «қонхўр», бироқ улар ҳам одам. Ўша кечаси мураббийлик фаолиятимда илк бор ва охирги марта йиғлаганман.
У онларни яхши эслайман. Машинада ёрдамчим Айтор Каранка билан уйим ёнида тўхтадик ва иккимиз ҳам йиғлаб юбордик. Жуда оғир бўлган, чунки ўша мавсумда жамоам энг яхшилардан бири эди», — дейди Моуриньо.
Мазкур қарама қаршиликнинг икки ўйини ҳам мезбон жамоалар фойдасига 2:1 ҳисоби билан тугайди. «Сантьяго Бернабеу»да кечган жавоб ўйинида пенальтилар сериясига мурожаат қилинади. Унда «Реал»дан фақат Хаби Алонсо 11 метрлик жарима зарбасидан унумли фойдаланади, Криштиану Роналду, Кака ва Серхио Рамос эса ўз имкониятини кўкка совуради. Кейинчалик «Бавария» финалда «Челси»га пенальтилар сериясида мағлуб бўлади.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)