Uzbekistan Airways ижроия органига Ўзбекистон ташқи иқтисодий фаолият миллий банкидан олинган 111 миллион АҚШ доллари миқдоридаги кредит тўловини 2020 йилда вақтинча тўхтатиб туриш масаласини кўриб чиқиш топширилган. Қарор ягона акционер – давлат томонидан 30 апрелда қабул қилинган. Бу ҳақда Корпоратив ахборотлар ягона порталида маълумот берилган. Компания оғир молиявий аҳволдан чиқиш чораларини кўрмоқда.
Компанияга кредитни кечиктириш масаласини ҳал этиш Президентнинг 2020 йил 19 мартдаги «Коронавирус пандемияси ва глобал инқироз ҳолатларининг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирлар тўғрисида»ги фармони билан юклатилган.
Мавзуга доир:
Компания хориждан олиб келинган фуқаролар учун чартер рейслардан кўрилган молиявий зарар миқдори ҳақида ҳам маълумот киритиши лозим.
Изоҳ (0)