Президент Шавкат Мирзиёев Сирдарё вилоятида юз берган фавқулодда ҳодиса сабабли 2 май куни Гулистон шаҳрида мутасадди раҳбарлар, ҳуқуқ-тартибот идоралари масъуллари, жамоатчилик вакиллари иштирокида йиғилиш ўтказди.
«Тадбирда Сардоба сув омбори тўғонининг кутилмаганда очилиши ва унинг оқибатлари атрофлича таҳлил қилинди, тегишли хулосалар чиқарилди», — дейилади Президент матбуот хизмати ахборотида.
Аҳоли саломатлигини сақлаш, талафот кўрганларга моддий ва маънавий ёрдам кўрсатиш, ижтимоий объектлар ва қишлоқ хўжалиги майдонларини тезроқ тиклаш бўйича долзарб масалалар муҳокама қилиниб, зарур чора-тадбирлар белгиланган.
«Бугун бутун мамлакатимиз эътибори Сардоба туманидаги табиий офат асоратларини бартараф этишга, сув тошқинидан азият чеккан юртдошларимизга моддий ёрдам кўрсатишга, маънавий қўллаб-қувватлашга қаратилган. Олийжаноб ва меҳр-оқибатли халқимиз ҳамжиҳат бўлиб, Сирдарёга озиқ-овқат, иссиқ кийим-бош ва бошқа зарур маҳсулотлар юкланган кўмак карвонларини юбормоқда», — дея қўшимча қилган Президент матбуот хизмати ахборотида.
Мавзуга доир:
- Шавкат Мирзиёев Сардоба сув омборидаги фавқулодда ҳодисани Қозоғистон президенти билан муҳокама қилди
- Фото: Президент сув оқими натижасида зарар кўрган маҳаллаларни кўздан кечирди
- Фото: Шавкат Мирзиёев — Сардоба сув омборининг бузилган жойида
- Шавкат Мирзиёев: 2020 йил оғир келди
- Шавкат Мирзиёев: Шароит яхши бўлмагунича, бирорта раҳбар, мен бошчилигимда, ҳеч қаёққа кетмайди
Изоҳ (0)