Prezident Shavkat Mirziyoyev Sirdaryo viloyatida yuz bergan favqulodda hodisa sababli 2-may kuni Guliston shahrida mutasaddi rahbarlar, huquq-tartibot idoralari mas’ullari, jamoatchilik vakillari ishtirokida yig‘ilish o‘tkazdi.
“Tadbirda Sardoba suv ombori to‘g‘onining kutilmaganda ochilishi va uning oqibatlari atroflicha tahlil qilindi, tegishli xulosalar chiqarildi”, — deyiladi Prezident matbuot xizmati axborotida.
Aholi salomatligini saqlash, talafot ko‘rganlarga moddiy va ma’naviy yordam ko‘rsatish, ijtimoiy obyektlar va qishloq xo‘jaligi maydonlarini tezroq tiklash bo‘yicha dolzarb masalalar muhokama qilinib, zarur chora-tadbirlar belgilangan.
“Bugun butun mamlakatimiz e’tibori Sardoba tumanidagi tabiiy ofat asoratlarini bartaraf etishga, suv toshqinidan aziyat chekkan yurtdoshlarimizga moddiy yordam ko‘rsatishga, ma’naviy qo‘llab-quvvatlashga qaratilgan. Oliyjanob va mehr-oqibatli xalqimiz hamjihat bo‘lib, Sirdaryoga oziq-ovqat, issiq kiyim-bosh va boshqa zarur mahsulotlar yuklangan ko‘mak karvonlarini yubormoqda”, — deya qo‘shimcha qilgan Prezident matbuot xizmati axborotida.
Mavzuga doir:
- Shavkat Mirziyoyev Sardoba suv omboridagi favqulodda hodisani Qozog‘iston prezidenti bilan muhokama qildi
- Foto: Prezident suv oqimi natijasida zarar ko‘rgan mahallalarni ko‘zdan kechirdi
- Foto: Shavkat Mirziyoyev — Sardoba suv omborining buzilgan joyida
- Shavkat Mirziyoyev: 2020-yil og‘ir keldi
- Shavkat Mirziyoyev: Sharoit yaxshi bo‘lmagunicha, birorta rahbar, men boshchiligimda, hech qayoqqa ketmaydi
Izoh (0)