Наманган вилояти Чортоқ туманида фуқаро карантин даврига қарамай фарзанди учун 40 миллион сўм миқдоридаги алимент пулини тўлиқ тўлаб берди. Бу ҳақда МИБнинг Наманган вилояти бошқармаси хабар қилган.
Вазирлар Маҳкамасининг 2018 йил 6 октябрдаги 808-сонли қарори билан тасдиқланган «Алиментларни олдиндан тўлаш, шунингдек, алимент тўлаш мажбуриятини таъминлаш бўйича гаров шартномасини тузиш тартиби тўғрисида»ги низомнинг 9-бандида алиментларни олдиндан тўлаш бола вояга етгунга қадар ҳар қандай давр учун ва беш йилдан кам бўлмаган муддатга амалга ошириш кўрсатиб ўтилган.
Мажбурий ижро бюросининг Чортоқ туман бўлими иш юритувида бўлган, фуқаролик ишлари бўйича Янгиқўрғон туманлараро судининг қарорига асосан А.У.дан ундирувчи З.Ж. фойдасига бир нафар фарзанди учун алимент тўлаш белгиланган.
Давлат ижрочисининг олиб борган тушунтиришлари боис ота алимент маблағини фарзанди вояга етгунга қадар амалга оширадиган бўлди ва бир йўла 40 миллион сўмни тўлаб берди. Амалда ижро ҳужжати тамомланди, дейилган хабарда.
Изоҳ (0)