Савдо-саноат палатасида ташкил этилган матбуот анжуманида палата раиси Адҳам Икромов пандемия шароитида жамиятнинг энг кўп зарар кўрган қатламларини санаб ўтди.
Сўз аввалида мавжуд эҳтиёжманд оилаларни пандемия шароитидаги фавқулодда вазиятда камбағалликдан чиқариш масаласи йўқлиги, бу режали иш эканлигини билдирилди. «Давлатимиз раҳбари шунинг учун Иқтисодий тараққиёт ва камбағалликни қисқартириш вазирлигини трансформация қилдилар», — дейди Икромов.
«Саховат ва кўмак» умумхалқ ҳаракатида тадбиркорларнинг иштироки масаласига бағишланган анжуманда жамғарма аҳолига бераётган хайрия йўналишларини ташкил этишда жамиятнинг пандемиядан энг кўп зарар кўрган қатламлари инобатга олингани қайд этилди.
Мавзуга доир: ССП раиси Адҳам Икромов: Халққа тўғридан-тўғри пул тарқатиш ўзини оқламайди, пул талон-торож бўлиши мумкин
Биринчи галда, кундалик даромад топадиган одамлар. Масалан, маҳалламиздаги ром қилувчи усталар кунига ишчиларига 60—70 минг сўм берар эди. 20 дан 30 ёшгача бўлган ана шу одамлар оиласини таъминлаган. Уларнинг қозони қайнайди шу кундалик даромаддан.Эслатиб ўтамиз, Ўзбекистон Президенти Шавкат Мирзиёев 20 апрель куни ўтказган видеоселектор йиғилишида вақтинча ишламаётган ва ёрдамга муҳтож оилаларни аниқлаб, уларни манзилли асосда озиқ-овқат ва дори-дармон билан таъминлаш кўламини янада кенгайтириш мақсадида «Саховат ва кўмак» умумхалқ ҳаракатини йўлга қўйиш ташаббусини илгари сурган эди.Иккинчи қатлам, такси ҳайдовчилари. Мисоллар кўп, масалан, ҳайдовчи Сергели, Чилонзор, Юнусободда 2 хонали хонадонда 2—3 фарзанди билан яшайди. 30—40—50 ёшли эркак, рафиқаси қайсидир ресторанда фаррош бўлиши мумкин. Улар ҳам кундалик даромад олган, ҳозир ночор аҳволга келиб қолди.
Учинчи қатлам, мамлакатга қайтган ишчи-мигрантлар ҳамда чет элда ишсиз қолган ўзбекистонликлар ҳисобланади.
Муҳтож қатламларнинг кўпчилиги, асосан Тошкент шаҳри, республиканинг йирик шаҳарлари, кўп қаватли уйларда яшайдиганлар ҳиссасига тўғри келади: Вилоятларда томорқа бор, қўй-сигир бор, озгина ўзини эплай олади. Аммо уларда ҳам вазият зўр эмас, ҳеч кимда зўр эмас.
Савдо-саноат палатаси раиси, Адҳам Икромов
Изоҳ (0)