Бугун, 29 апрель куни, АОКАда бўлиб ўтган брифингда Вазирлар Маҳкамаси ҳузуридаги санитария-эпидемиология назорати давлат инспекцияси бошлиғи Нурмат Отабеков карантинда бўлган аҳолининг сони 80—90 минг атрофида бўлиб тургани, яъни нима сабабдан уларнинг сони ўзгаришсиз турганига муносабат билдирди.
Ўзбекистон Республикасида авиақатновлар, темир йўл қатновлари ва автотранспорт қатновлари тўхтатилганлигидан хабарингиз бор. Ҳатто карантин эълон қилингандан кейин ҳам, анча пайтгача ҳамюртларимизни чартер рейсларида олиб келиш давом этди.Агар сиз чегарамиз бутунлай ёпилган деб ўйласангиз, бу хато фикр. Негаки ҳар куни мамлакатга хориждан 500—600 нафар фуқаро кириб келмоқда (Қозоғистон, Қирғизистон, Афғонистон орқали). Уларнинг барчаси уюшган ҳолда карантинга жойлаштирилмоқда.
Карантин тадбирлари билан қамраб олинганлар булар:
Нурмат Отабеков, Вазирлар Маҳкамаси ҳузуридаги санитария-эпидемиология назорати давлат инспекцияси бошлиғи
- Хорижий давлатлардан келиб янгидан қўшилаяпганлар;
- касаллик чиқиши муносабати билан карантин муддати узайтирилган шахслар;
- беморларни даволаш жараёнида қатнашганлар;
- бемор ишлаган ишхонасида бирга ишловчилар;
- беморнинг уйида (оила-аъзолари, яқин қариндошлари) мулоқотда бўлганлар;
- беморлар ташриф буюрган муассасалар ходимлари;
- эпидемик нохуш ҳудудларга бориб юк олиб келиш билан шуғулланувчилар ҳисобланади.
Изоҳ (0)