Австралия, Янги Зеландия ва Жанубий Корея коронавирусга қарши курашда ғалаба қозонган кам сонли давлатлар орасидан ўрин олди. Бу ҳақда экспертларга таяниб, CNBC хабар берди.
Мазкур уч давлат COVID-19 тарқалишига қарши нисбатан тез кураш бошлаган, шу сабаб улар ўз иқтисодиётини қайта йўлга қўйиб, корхона ва муассасалар фаолиятини яна ишга туширган. Шундан сўнг улар инвесторлар орасида анча қизиқиш уйғота бошлади, бу эса ушбу давлатлар валютасининг мустаҳкамланишини ўзида акс эттиради.
Шунингдек, юқоридаги уч давлатнинг асосий савдо ҳамкори ҳисобланувчи Хитой чекловларни секин-аста еча бошлагани ҳам муҳим рол ўйнамоқда.
Коронавирус билан касалланиш ҳолати дунёнинг деярли барча давлатида қайд этилган бўлиб, ҳозирда 2,9 миллиондан ортиқ одамда COVID-19 аниқланган. Беморларнинг 200 мингдан ортиғи вафот этди.
Австралияда 6725 кишида коронавирус аниқланган бўлиб, 84 киши вирус қурбонига айланган. Янги Зеландияда касаллар сони 1124 кишини, қурбонлар эса 84 кишини ташкил этмоқда. Жанубий Кореяда эса ушбу кўрсатикичлар 10 752 кишига тенг бўлиб, 244 бемор вафот этган.
Мавзуга доир:
Изоҳ (0)