1986 йилнинг 27 апрель куни Украинанинг Припять шаҳрида Чернобиль атом электр станциясининг тўртинчи энергоблокидаги портлаш сабабли эвакуация бошланди. Орадан 34 йил ўтиб, шаҳарга фақат сайёҳлар ташриф буюрмоқда, деб ёзади Hi-Tech.Mail.ru.
Ҳозир Припять арвоҳ-шаҳарга айланган. Уйлар аста-секин бузилмоқда, кўчалар ўт босган, дарахтлар билан қопланган. Бинолар ташқи томонида совет даврини эслатувчи ёзувлар сақланиб қолган.
Photoshop ва авария тарихига қизиқувчи Дмитрий Диденко Припять шаҳри 2020 йилда қандай кўринишга эга бўлиши мумкинлигини хаёл қилди.
Шунингдек, украиналик графика дизайнери Андрей Гупса Чернобиль АЭСда портлаш юз бермаганида Припять қандай кўринишга эга бўлиши мумкинлигини тасаввур қилди.
Шаҳарда одамлар яшарди, кўчалар гуллаб-яшнарди. Гупса жонли Припять шаҳрини яратиш учун тарихий суратлар, Photoshop ва ARCHICAD дастурларида ишланган шаҳарнинг 3D моделидан фойдаланди.
Изоҳ (0)