Испанияда 106 ёшли аёл коронавирусдан тузалди, деб хабар берди The Оlive Press.
Ана дель Валье 1913 йилда туғилган. У беш ёшида миллионлаб инсонларнинг умрига зомин бўлган испан гриппини бошдан кечирган. «Унинг барча оила аъзолари ўшанда касал бўлган эди», — дейди аёлнинг танишларидан бири.
Саккиз йилдан бери аёл Кадис провинциясидаги қариялар уйида яшайди. Март ойида у, унинг 60 нафар қўшниси ҳамда қариялар уйининг 20 нафар ходими коронавирусга чалинди.
Ана дель Вальеда касаллик оғир кечган ва у жонлантириш бўлимида ётган. Бироқ кейин аёл соғая бошлаган. Бир неча кун аввал у тўлиқ соғайган ва касалхонадан жавоб берилган. У Испанияда коронавирусдан тузалган энг кекса фуқаро бўлди.
«Шифокорлар унинг таҳлиллари яхши чиққанини айтди. Бироқ эҳтиёт бўлишимиз керак. У бир ўзи овқатланяпти, баъзан кўп, баъзан кам ейди. Қисқа муддатга сайрга ҳам чиқади», — дейди аёлнинг келини Паки Санчес.
Изоҳ (0)