Фарғонада коронавирусга чалинган икки бемор ҳам соғайиб, реабилитация марказига кузатилди. Бу ҳақда Соғлиқни сақлаш вазирлиги хабар берди.
Тузалиб чиққанларнинг иккаласи ҳам эркак, уларнинг бир нафари (65 ёшда) Самарқанд вилоятидан бўлиб, Туркиядан келган, иккинчиси эса фарғоналик (54 ёшда), Россиядан келган ва карантинга олинган. Касаллик аниқлангач, шифохонага ётқизилган.
Таъкидланишича, Фарғона вилоятида касалликка чалинган жами беморларнинг 61 нафар даволанишга муваффақ бўлган. Бутун мамлакат бўйлаб эса коронавирус инфекциясидан соғайганлар сони 994 нафарни ташкил этмоқда.
Аввалроқ коронавирусга чалинган қашқадарёлик биринчи бемор соғайгани ҳақида хабар берилганди.
Мавзуга доир: Ўзбекистонда коронавирусдан соғайганлар сони касалликдан даволанаётганлар сонидан ошиб кетди
Изоҳ (0)