Қозоғистонда коронавирусга чалинган беморлар сони 3 минг кишидан ошди. 28 апрель куни мамлакатда 37 та янги ҳолат қайд этилган ва беморларнинг умумий сони 3019 кишига етган. Бу ҳақда «РИА Новости» хабар берди.
Мамлакатда коронавирусга чалинган 754 нафар бемор тузалишга муваффақ бўлган, 25 киши касаллик қурбонига айланган.
Қозоғистон президенти Қосим-Жўмарт Тўқаев 27 апрель куни мамлакатда 16 мартдан буён амалда бўлган фавқулодда ҳолат режими 11 майгача узайтирилганини маълум қилди. Шунингдек, Тўқаев Нур-Султон ва Олмаота шаҳарлари ўртасида авиақатновлар қайта тикланишини, шунингдек, баъзи ҳудудларда карантин режими енгиллаштирилишини ҳам билдирди.
Аввалроқ Қосим-Жўмарт Тўқаев Қозоғистонда касалликнинг энг юқори чўққиси ҳали тўлиқ ўтмаганини маълум қилгани ҳақида хабар берилганди. «Қозоғистонда касалланишнинг энг юқори чўққиси тўлиқ ўтмади. Ҳали ҳам вазиятнинг назоратдан чиқиш хавфи сақланиб турибди», — дея таъкидлаган Қозоғистон президенти.
Изоҳ (0)