Бразилия Олий федерал суди собиқ адлия вазири Сержиу Моронинг мамлакат президенти Жаир Болсонаруга қарши айблови сабаб тергов бошлаш бўйича қарор қабул қилди, деб хабар беради «РИА Новости».
Суд қарорига кўра, тергов ишларини олиб боришга 60 кун ажратилади.
Ўтган ҳафта Бразилия адлия вазири Сержиу Моро президент билан федерал полиция раҳбариятининг алмашиши борасида келиша олмагани сабаб истеъфога чиқишини маълум қилиб, Болсонаруни коррупцияга оид можароларни тергов қилишга масъул идоранинг фаолиятига аралашишда айблаган эди. Шундан сўнг, Бразилия Бош прокуратураси Олий федерал суддан Моронинг айблови бўйича Болсонаруга нисбатан тергов бошлашни сўраган. Таъкидланишича, Олий федерал суд тергов бошлашга қарор қилган, бош прокурор эса расман айбловни эълон қилиши мумкин.
Ўз навбатида Болсонару айбловдан сўнг, ҳеч қачон ўз оиласини федерал полиция ёрдамида ҳимоя қилишга уринмаганини маълум қилди.
Изоҳ (0)