Карантин сабабли ҳомиладор аёлларни қабул қилмаётган Республика перинатал маркази май ойида очилиши мумкин. Бу ҳақда 27 апрель куни АОКАда бўлиб ўтган брифингда Соғлиқни сақлаш вазирлиги ҳузуридаги Коронавирусга қарши кураш штаби аъзоси Ҳабибулла Оқилов айтиб ўтди.
Брифингда фуқаролардан карантин туфайли ёпилган Республика перинатал марказига (РПМ) бориши керак бўлган аёллар қаерга мурожаат қилишлари мумкинлиги ҳақида савол келиб тушди. Саволга Ҳабибулла Оқилов жавоб берар экан, ҳақиқатан ҳам ҳозирги пайтда РПМ карантинга ёпилгани ва ҳомиладор аёлларни қабул қилмаётганини айтди.
«Лекин май ойида РПМ очилиши ҳам мумкин. Агар бу марказда карантин давом этадиган бўлса, ҳомиладор аёллар шаҳар перинатал марказига ёки турар жойига қарашли туғруқ комплексига ҳеч қандай муаммосиз мурожаат қилиши мумкин», — деди у.
Изоҳ (0)