Bugun,

  • USD 11095.31
  • RUB 173.84
  • EUR 10772.44

Toshkent shahar IIBB PPX brigadasi xodimlarining xizmat mashinasida chaqaloq dunyoga keldi. Bu haqda poytaxt IIBB axborot xizmati xabar berdi.

Foto: Toshkent shahar IIBB axborot xizmati

Foto: Toshkent shahar IIBB axborot xizmati

Ta’kidlanishicha, PPX xodimlari tungi soat 02:00 larda Uchtepa tumani Istirohat ko‘chasi va Toshkent halqa avtomobil yo‘li kesishmasida turgan ikki ayolni ko‘rib qolgan. Ayollardan biri homilador bo‘lgan. PPX xodimlari ularni zudlik bilan tug‘ruqxonaga yetkazish maqsadida bo‘lajak ona va uning qaynonasini mashinaga o‘tqazib, eng yaqin shifoxonaga yo‘l olgan.

3-son shahar bolalar klinik shifoxonasi (sobiq “Ona va bola” markazi)ga ozgina masofa qolganda ayolni to‘lg‘oq tutgan. Shunda sardor S.Murodov va B.Toshpo‘latov birinchi tibbiy yordam ko‘rsatib, chaqaloqning dunyoga kelishiga yordam bergan.Tug‘ruqdan so‘ng ona va bola shifokorlarga topshirilgan.

Tibbiyot xodimlari ona va chaqaloqning ahvoli qoniqarli ekanini, bola 3100 gramm tug‘ilganini aytib, xodimlarga minnatdorchilik bildirgan.

Avvalroq Mudofaa vazirligining vertolyotida tug‘ruqxonaga olib borilgan dehqonobodlik ayol o‘g‘il farzandli bo‘lgani haqida xabar berilgandi.

Izoh
Asosiy yangiliklar
Mahalliy
“Tramp tarafdorlariga murojaat qilib, meni qo‘llab-quvvatlang, namoyishlar uyushtiring demoqda” — Navbahor Imomova
Mahalliy
Shavkat Mirziyoyev O‘zbekiston mahalla tizimi xodimlari va faollariga tabrik yo‘lladi
Maslahatlar
Tezroq tashlab yuboring: yuz kremi ​​sizga mos kelmaganini anglatuvchi 5 ta belgi