Ўзбекистонда пенсионерларнинг 2020 йил 20 апрелгача ортиқча ҳисобланган пенсиялари бўйича қарзларидан воз кечилади. Бу ҳақда Президентнинг «Коронавирус пандемияси даврида аҳоли ва тадбиркорлик субъектларини қўллаб-қувватлаш бўйича қўшимча чора-тадбирлар тўғрисида»ги фармонида белгилаб қўйилган.
Фармон билан Иқтисодий тараққиёт ва камбағалликни қисқартириш вазирлиги, Молия вазирлигининг пенсия ва нафақалар тўғри тайинланиши ҳамда тўланиши бўйича текширишлар натижасида аниқланган, фуқароларга ортиқча тўланган пенсия ва нафақаларнинг 2020 йил 20 апрель ҳолати бўйича қарздорлик суммасини ҳисобдан чиқариш тўғрисидаги таклифи маъқулланди.
Шунингдек, фармонда 2020 йил 1 майдан бошлаб давлат бюджети ҳисобидан пенсия олувчи шахслардан ташқари барча ишловчи пенсионерларга пенсиялар тўлови тўғридан-тўғри Молия вазирлиги ҳузуридаги бюджетдан ташқари Пенсия жамғармаси орқали амалга оширилиши белгиланган.
Эслатиб ўтамиз, коронавирус сабабли Ўзбекистонда пенсия пуллари май ойидан бошлаб пластик карталарда тўланади.
Изоҳ (0)