Роналду, Месси, Мане. Чемпионлар Лигасининг 2018/19 йилги мавсумидаги энг чиройли 10 та гол (видео)

Коронавирус пандемияси сабаб дунё бўйлаб деярли барча спорт мусобақалари тўхтатилди. Шу жумладан, футбол бўйича мусобақалар ҳам. «Дарё» мухлисларнинг талаб ва таклифларини инобатга олган ҳолда турли мусобақаларда урилган энг сара голларни тақдим этиб боради. Ушбу лойиҳанинг навбатдаги сонида Европа Чемпионлар Лигаси 2018/19 йилги мавсумнинг энг чиройли ўнта голини эслаймиз. Голлар рейтинги УЕФА талқинига кўра тузиб чиқилган.

10-ўрин. Луис Суарес | «Барселона»—«Ливерпуль» 3:0

Ярим финалнинг илк баҳсида Луис Суарес биринчи бўлим ўрталарида собиқ жамоаси дарвозасини мана шу тарзда ишғол қилади.

9-ўрин. Филиппе Коутиньо | «Барселона»—«Манчестер Юнайтед» 3:0

Коутиньо «Манчестер Юнайтед»га қарши чорак финал жавоб баҳсида учрашувга чиройли якунни қўяди. Унинг узоқ масофадан йўллаган зарбасини Давид де Хеа қайтара олмайди.

8-ўрин. Усмон Дембеле | «Барселона»—«Тоттенҳэм» 1:1

Усмон ўйин дебютида «Тоттенҳэм» ҳимоясини доғда қолдирган ҳолда ажойиб голга муаллиф бўлади.

7-ўрин. Раҳим Стерлинг | «Манчестер Сити»—«Шахтёр» 6:0

Украиналиклар тор-мор этилган баҳсда Раҳим иккинчи бўлим дебютида мана шу гол муаллифига айланганди.

https://t.me/gol_video/1705

6-ўрин. Килиан Мбаппе | «Манчестер Юнайтед»—ПСЖ 0:2

Парижликларнинг ажойиб комбинациясидан кейин Мбаппе дарвоза олдида тўп йўналишини ўзгартирган ҳолда жамоасининг иккинчи голини уради.

5-ўрин. Лерой Сане | «Манчестер Сити»—«Ҳоффенҳайм» 2:1

Сане жарима зарбасини қойилмақом ижро этган ҳолда мувозанатни тиклайди. Иккинчи бўлимда эса яна бир гол уриб, жамоасига иродали ғалабани тақдим этади.

4-ўрин. Иван Ракитич | «Тоттенҳэм»—«Барселона» 2:4

Хорватиялик футболчи «кўк-анорранглилар»нинг чиройли ҳужумини шедевр гол билан якунлаганди.

3-ўрин. Садио Мане | «Бавария»—«Ливерпуль» 1:3

Садио Мане мюнхенликлар посбони Мануэль Нойернинг хатосидан унумли фойдаланиб ҳисобни очган ва жамоасининг сафардаги ғалабасига муҳим ҳисса қўшганди.

2-ўрин. Лионель Месси | «Барселона»—«Ливерпуль» 3:0

Месси учрашув якунланиши арафасида чамаси 25 метрлардан Алиссон дарвозасининг тўққизлик бурчагини аниқ нишонга олганди.

1-ўрин. Криштиану Роналду | «Ювентус»—«Манчестер Юнайтед» 1:2

Роналду Леандро Бонуччи томонидан узатиб берилган тўпга тўхтатмасдан зарба берган ҳолда собиқ жамоаси дарвозасини ишғол қилади. Унинг ўзига хос гол нишонлаши кейинчалик мемга айланганди.