Нигериянинг Лагос шаҳрида 68 ёшли аёл эгизак фарзандларни дунёга келтирди, деб ёзади Daily Mail.
Маргаретт Аденуга ва унинг турмуш ўртоғи 70 ёшли Ноа Аденуга 43 йил давомида фарзанд кўришга уринган.
Аёл тўрт марта экстракорпорал уруғлантириш муолажасини олган, бироқ улардан фақатгина тўртинчиси муваффақиятли натижа берган.
Ҳомиладорликнинг 37-ҳафтасида шифокорлар аёлга кесарча кесиш усули билан фарзандини дунёга келтиришни тавсия қилган. Шу тарзда аёл бир ўғил ва бир қизнинг онаси бўлди.
Қайд этилишича, она ва болаларнинг аҳволи яхши.
Изоҳ (0)