Жаҳон соғлиқни сақлаш ташкилоти экспертларидан иборат гуруҳ келаси ҳафтада Тожикистон ва Туркманистонга ташриф буюради. Бу ҳақда «Коммерсантъ» хабар тарқатган.
COVID-19 коронавируси билан касалланиш ҳолатлари Марказий Осиёнинг учта давлати — Ўзбекистон, Қозоғистон ва Қирғизистонда қайд этилган. Тожикистон ва Туркманистон ҳукумати эса ўз ҳудудларида касаллик йўқлигини таъкидламоқда. Ушбу икки мамлакат Жонс Ҳопкинс университети харитасида оқ нуқталар билан белгиланган 11 та давлат қаторида қайд этилмоқда. Ғарбда ушбу ҳаракат ахборотни яшириш эканлиги ҳақида очиқ гапирилмоқда. Россияда ҳам Тожикистон ва Туркманистон ҳукуматларининг берган маълумотига шубҳа билан қаралмоқда, бироқ бу борада фикр билдирилмаган.
Мавзуга доир:
23 апрель куни Туркманистон ташқи ишлар вазири Рашид Мередев баёнот бериб, мамлакатда COVID-19 билан касалланганлар йўқлигини эълон қилган. Аввалроқ Тожикистон президенти Эмомали Раҳмон ҳам ушбу касаллик давлат ҳудудида қайд этилмаганини таъкидлаганди.
Изоҳ (0)