Бутун дунё бўйлаб коронавирус қурбонлари сони 190 минг кишидан ошди

Бутун дунёда коронавирус инфекцияси оқибатида вафот этганлар сони 190 459 кишига етди. Бу ҳақда Жонс Ҳопкинс университети маълумотларида келтирилган.

Маълумотларга кўра, дунё бўйлаб 2,7 миллиондан ортиқ одамда COVID-19 аниқланган. Ҳозирга қадар беморларнинг 738 минги даволанишга муваффақ бўлган. Шифокорлар томонидан коронавирус бўйича 4,6 миллион тест ўтказилган.

Касаллар ва қурбонлар сони бўйича рўйхатда АҚШ етакчилик қилмоқда. Сўнгги маълумотларга кўра, мамлакатда COVID-19 билан касалланганлар сони 869 минг кишидан, вирус қурбонлари эса 49,8 минг кишидан ошган. Касаллик энг кўп қайд этилган давлатлар қаторидан Испания (213 минг), Италия (189,9 минг), Франция (159,4 минг), Германия (153,1 минг), Буюк Британия (139,2 минг), Туркия (101,7 минг), Эрон (87 минг), Хитой (83,8 минг) ва Россия (62,7 минг) ўрин олган.

Аввалроқ коронавирус ўчоғи ҳисобланган Хитойда коронавирусга чалинганларнинг 93 фоиздан ортиғи тузалгани ҳақида хабар берилганди.