Германияда янги турдаги COVID-19 коронавирус инфекцияси билан касалланганлар сони 150 минг кишидан ошиб кетди. Бу ҳақда Роберт Кох институти маълумотларига таяниб, «РИА Новости» хабар берди.
Маълумотларга кўра, ўтган бир сутка ичида мамлакатда коронавирус билан касалланиш бўйича 2237 та ҳолат қайд этилган, 227 киши вафот этган. Бутун мамлакат бўйлаб коронавирус қурбонлари сони 5321 кишига етди.
Тиббиёт ходимларининг таъкидлашича, ҳозирга қадар Германияда коронавирус 150 383 кишида аниқланган бўлиб, уларнинг 106,8 минг нафари даволанишга муваффақ бўлган.
Касаллик тарқалишини реал вақтда кузатиб бораётган Жонс Ҳопкинс университети маълумотларига кўра, Германияда COVID-19’ни юқтириб олганлар 153 минг кишидан ошган, 5575 киши вафот этган. Бутун дунё бўйлаб коронавирус билан касалланганлар сони бўйича АҚШ етакчилик қилмоқда (869 минг бемор). Ундан кейинги ўриндан Испания (213 минг), Италия (189,9 минг) ва Франция (159,4 минг) ўрин олган. Германия айни вақтда бешинчи ўринда кетмоқда.
Аввалроқ Германияда карантин чораларининг қисман бекор қилиниши эълон қилинган эди. Мамлакатда майдони 800 метр квадратдан катта бўлмаган велосипед ва китоб дўконларининг очилишига рухсат этилган. 4 майдан мактаблардаги таълим қайта бошланади ва сартарошхоналар фаолияти ҳам тикланади.
Изоҳ (0)