Британиянинг Evo журнали сураткаши Доминик Фрэйзер Lego конструктори ёрдамида тарихдаги энг хавфли пойгалардан бири — «Б гуруҳи» раллисининг ноёб суратларини такрорлади.
Доминик битта кадрни яратиш учун бир неча соатлаб ишлашига тўғри келган. Конструктор ёрдамида у бинолар, пит-стоп зоналари ва томошабинлар иштирокидаги композицияни яратишга муваффақ бўлган. У ўз иши давомида ғилдираклар остидан отилаётган лойларни ҳосил қилишда уйи атрофидаги тупроқдан, қор ўрнига эса ундан фойдаланган. Доминик тайёр бўлган барча суратларни ўзининг Instagram’даги саҳифасига жойлаган.
Сураткаш томонидан яратилган «Б гуруҳи»нинг энг машҳур автомобилларидан бири 1985 йили ишлаб чиқарилган Audi Sport Quattro S1 ҳисобланади. 200 нухсада ишлаб чиқарилган мазкур моделда немис концерни биринчи бор тўлиқ узатмадан фойдаланган. Афсонавий автомобиль капоти остидан 500 от кучига эга беш цилиндрли турбомотор ўрин олган. Машина оғирлиги 1100 килограммни ташкил этади ва ўзининг ноодатий аэродинамик кўриниши билан ажратиб турган.
«Б гуруҳи» пойгалари 1982 йилдан 1986 йилга қадар ўтказилган. У вақтларда 600 от кучига эга автомобилларда электро қурилмалари ва хавфсизлик тизимлари минимум даражада бўлгани сабаб пойгачилар тор кўчалар ва одамлар кам юрадиган йўллар бўйлаб соатига 200 километр тезликда ўзининг маҳоратига таяниб ҳаракатланган. Шу сабабли «Б гуруҳи» раллилари томошабинлар орасида катта қизиқиш уйғотган, бироқ кўплаб авариялар оқибатида инсонлар ҳалок бўла бошлагач, 1986 йилда бу турдаги пойгалар тақиқланган.
Изоҳ (0)