Tesla Cybertruck сувга тушиб қолса, қанчадир муддат суза олади. Масалан, электропикап чуқур кўлмаклар ва ирмоқларни ҳеч қандай талафотсиз босиб ўта олади. Бу ҳақда Tesla компанияси раҳбари Илон Маск ўзининг Twitter’даги саҳифасида маълум қилди.
Tesla электропикапи қайиқ каби суза олади. Америка корпорацияси раҳбарининг бу каби «мақтанчоқлиги» биринчи маротаба эмас. Бир неча йил олдин у Model S седани герметик аккумулятори сабаб бемалол суза олишини билдирганди.
Илон Маск Cybertruck чўкиб кетгунига қадар сувда қанча муддат тура олишига аниқлик киритмаган. Tesla раҳбарининг баёнотини реал шароитда 2021 йил охирига бориб синаб кўриш мумкин бўлади. Айнан ўша даврдан бошлаб электропикапни серияли ишлаб чиқариш бошланади.
Шунга қарамай, Америка компанияси Cybertruck учун ярим миллиондан ортиқ буюртма олган. Моделни харид қилишни истаганлар 100 доллар миқдорида депозит қўйишлари керак. Сўнгги маълумотларга кўра, дастлаб иккита электромоторга эга, бир марта қувватланиш орқали 500 километр юра оладиган Cybertruck сотувга чиқади.Tesla электропикапининг нархи 49 900 доллар.
Изоҳ (0)