Республикада ишлаб чиқарилмайдиган Иссиқхона комплекслари 2021 йил 1 январга қадар божхона тўловларидан озод қилинади. Бу ҳақда бугун, 23 апрель куни, АОКАда штабида ўтказилган брифингда Давлат божхона қўмитаси бошқарма бошлиғи Фарҳод Олимжонов маълум қилди.
Қўмита вакилининг таъкидлашича, замонавий энергия тежовчи иссиқхоналар, уларнинг бутловчи қисмлари, гофрланган картон идиш ишлаб чиқариш учун талаб этиладиган ва белгиланган тартибда шакллантириладиган рўйхат бўйича олиб кириладиган, ускуна, хом ашё, материаллар, эҳтиёт қисмлар ҳамда бутловчи буюмлар божхона тўловларидан озод этилган.
Брифингда Фарҳод Олимжонов паррандачилик фаолияти билан шуғулланиш учун тадбиркорлик субъектларига божхона соҳасидаги имтиёзлар ҳақида ҳам ахборот берди.
Наслли она товуқ ва барча турдаги технологик асбоб-ускуналар сотиб олиш, парранда етиштиришни ташкил этиш, парранда маҳсулотларини қайта ишлаш ва сақлаш, инкубация цехларини ташкил этиш, паррандачиликка ихтисослашган бино-иншоотларни қуриш, қайта таъмирлаш, махсус техника, эҳтиёт қисмлар ҳамда бошқа асосий воситалар ўрнатилган тартибда тасдиқланадиган рўйхат бўйича 2021 йил 1 ноябрга қадар божхона тўловларидан озод этилганФарҳод Олимжонов, Давлат божхона қўмитаси бошқарма бошлиғи
Изоҳ (0)