Фарғона вилояти Учкўприк туманида «Маърифат» газетасининг махсус мухбири Шарифа Мадраҳимованинг фаолиятига тўсқинлик қилиб, журналистга қўпол муносабатда бўлгани айтилган ҳокимият вакили вазифасидан озод этилди. Бу ҳақда «Дарё»га туман ҳокимлиги ахборот хизмати маълум қилмоқда.
Қайд этилишича, журналист Шарифа Мадраҳимова ҳамда туман ҳокими котиби Шоҳжаҳон Мўйдинов билан боғлиқ ҳолат туман ҳокимлиги томонидан батафсил ўрганиб чиқилган.
Шоҳжаҳон Мўйдинов давлат идораларида ўрнатилган касб этикаси меъёрларини бузганликда айбланиб, у билан тузилган меҳнат шартномаси бекор қилинган.
«Журналист Шарифа Мадраҳимова ва ҳокимлик ходими ўртасида юз берган ҳолат туман ҳуқуқ-тартибот идоралари томонидан ўрганилмоқда. Ўрганиш натижаси бўйича қонуний қарор қабул қилинади ва қўшимча маълумот берилади», — дейилади туман ҳокимлиги ахборот хизматининг расмий баёнотида.
Эслатиб ўтамиз, аввалроқ журналист ва туман ҳокимлиги вакили ўртасида келишмовчилик юзага келгани, бунга АОКА масъули муносабат билдиргани ҳамда Бош прокуратура мазкур иш юзасидан ўрганишлар олиб бораётгани ҳақида хабар берилганди.
Мавзуга доир:
- «Машинаси портлаб кетибди, ўз жонига қасд қилибди дейишса, ишонманглар». Каттақўрғонда ҳалок бўлган ўқитувчи фожиасини ёритган таниқли журналистга таҳдид қилинмоқда
- «Сиздек журналистларимизни ҳимоя қила оламиз!». Ўзбекистон прокуратура органлари Каримберди Тўрамурод атрофидаги вазиятни назоратга олди
Изоҳ (0)