АҚШ президенти Дональд Трамп коронавирус тарқалишига қарши кураш доирасида Қўшма Штатларга иммиграцияни вақтинча тақиқлашини маълум қилди. Бу ҳақда Америка етакчиси ўзининг Twitter’даги саҳифасига ёзиб қолдирган.
«Кўринмас душманнинг ҳужуми вақтида, шунингдек, Америка фуқароларининг иш жойларини ҳимоя қилиш зарурати доирасида Қўшма Штатларга иммиграцияни вақтинча тўхтатиш борасидаги қарорни имзолайман», — деб ёзади Трамп.
Ўтган ҳафта Трамп АҚШда карантин чекловларини босқичма-босқич бекор қилинишини маълум қилиб, штатлар ҳукуматига бу борада мустақил қарор қабул қилишга рухсат берганди. Режага кўра, дастлаб мактаблар, барлар ва бошқа муассасалар ёпиқ бўлади, ресторан ва кинотеатрлар ташриф буюрувчилар учун ижтимоий масофанинг қатъий ўлчовларини таъминласа очилиши мумкин.
АҚШ Меҳнат вазирлигининг маълумотларига кўра, ўтган ҳафта ишсизлик нафақасини олиш учун 5,2 миллион америкалик ариза берган. Сўнгги бир ой ичида мамлакатда 20 миллиондан ортиқ одам иш жойидан айрилган, пандемияга қадар ишсизлик нафақасини 2 миллиондан камроқ одам олиб келган.
Мавзуга доир: Эрон Трампнинг коронавирусни даволаш борасидаги маслаҳатларига муҳтож эмаслигини билдирди
Изоҳ (0)